يــوم كـنـت كـبــيـر !!



في يوم من الأيام قومني أبوي من النوم وهو يقول :
ورع جعلك بالراعه ، قم رح للمدرسة ..
قلت : والله مقدر يايبه تعبان !
قال أبوي : تعبان ؟ وش فيك؟
قلت : بطني يوجعني !
قال : قم أكل حبوب رأس ومش حالك ورح للمدرسة ..
قلت : تفكى يايبه أبغيب ؟
قال : أقول قم لأطى على رقبتك ..
قلت : أبشر أبشر ، بروح للمدرسة !!
قال : شاطر يا ورعي ، بس
من أللحين أقولك كب المشاكل
عنك ، وخل المدرسين والطلاب
في حالهم "
قلت : أيه أبشر !! !! !! !! ؟؟
قال : والله مدري وش تقول
بس أنهض بسرعة ..
قلت : حلوة [ أنهض ] من وين
جايبها ؟
قال : من سوق السمك لبيع
الفواكة والسيارات ..
قلت : شكلك رايق مع الصباح
يايبه ، بس خلني أرجع من المدرسة ، ووريك شغلك يالله
بااااي ..
قال : تعال وأفطر وبعدين رح
قلت : أنا ما غسلت وجهي
تبغاني أفطر ! والله حاله ..

وصلت باب المدرسة ، ولقيت
الوكيل عند الباب .. قال :
من وين جاي يا الحبيب .. ليه
تأخرت ؟
قلت : جاي من المدرسة ، وش
رايك أكيد جاي من البيت !
قال : أوف وش فيك معصب ؟
قلت : يا رجال أللعن شي في
الحياة أنك تعطي أللي أكبر منك وجه ، يبلشك وينشب في
حلقك ..
قال : تقصدني ؟
قلت : لا أقصد الفراش ، أقول
وخر خلني أدخل وأللحق الطابور !

دخلت في الطابور وفي الأخير
بالتحديد .. قال الطالب أللي
قدامي : وينك من اليوم ؟
قلت : أقلب وجهك وورني عرض كتافك !
قال : ليه بتفصلي ثوب ؟
قلت : تستهبل مع الصباح أنت
ووجهك الحلزوني ..
قال : هاها هاهاي أنا أتكلم
جد ليه متأخر ؟
قلت : أقلب وجهك وورني عرض رجليك !

سكت الطالب ، وبعدين مشى
الصف لين دخلنا الفصل ، وكانت الحصة الأولي تاريخ !

دخل مدرس التاريخ وضرب
الباب بقوة ، وقال : من أللي
ما حل الواجب ؟
قلت : ياشين الدلع على الكبار!
قال المدرس : وين أللي يتكلم
هذا قليل الأدب ؟
قلت : في الفصل الثاني ..
قال : طيب خلاص ، خلونا نبدأ
الدرس ..
قلت : درس كل دايم درس !!
قال المدرس : وش أللي كل
دايم درس ؟ هذي ثاني حصة
أجيكم فيها ..
قلت : والله أنك أكبر نصاب !
قال المدرس : وجع ، والله
لطلعك للمدير ..
قلت : أصلآ المدير غايب ..
قال المدرس : أطلعك للوكيل!
قلت : الوكيل أستاذن من المدير ..
قال : أنت تقول أن المدير غايب كيف أستاذن منه ؟
قلت : شفت أنك أكبر نصاب متى قلت أن المدير غايب .. يا
أستاذ لا تبلى علي أرجوك !
قال : خلاص خلاص ، ما راح
أرد عليك ، أنت تبغى تضيع
الحصة ، وعشان كذا بنبدأ الأن
الدرس ..
قلت : تفضل يا أستاذ مدرس !

قال : طيب يا شباب درسنا
اليوم عن العصر العباسي ..
من منكم يعرف إلى من ينسب
العصر العباسي ؟
قلت : لواحد !
قال : من هو ؟
قلت : رجال !
قال : طيب من هو هالرجال ؟
قلت : من العصر العباسي ..
قال : ما عندك سالفة ، واحد
ثاني يجاوب يا شباب '
قال واحد من الطلاب : ينسب
إلى عباس العباسي !
قال المدرس : أجابة صحيحة !
طيب متى ولد عباس ؟
قلت : يوم حملت أمة !
قال : متى حملت أمة ؟
قلت : رح اسألها !!
قال : أسكت خلاص لا عاد تجاوب ، من يجاوب غيره ؟
قال طالب : ولد سنه 200هـ !
قال المدرس : صح ، ممتاز ..
طيب يا شباب من يقولي متى
مات ؟
قلت : تبي الصراحة ما حضرت
جنازته ..
قال : تستهبل أنت ؟
قلت : والله العظيم صدقني ..
قال : أطلع برا الفصل يا حيوان .. وفجأة يدق الجرس !
ويقول المدرس : لو ما دقت
الحصة كان وريتك شغلك "

طلع أستاذ التاريخ ، وقمت من
الكرسي ، مامداني وصلت الباب الإ مدرس النحو في وجهي .. قال المدرس : على وين رايح ؟
قلت : والله رايح لأستاذ العلوم !قال مدرس النحو : ليه وش
تبغى منه ؟
قلت : أبغاه يشرحلي مسألة
في الرياضيات ، وش رايك
أبغي منه ؟ أكيد أبغاه في
مادة العلوم !!
قال : تستهبل ؟
قلت : لا أبغى أروح !
قال : أدخل الفصل وقعد على
الكرسي لافقع وجهك ..
قلت : كورة عندك أنا ؟
قال : لا طالب !
قلت : تستهبل ؟
قال : والله ما أكذب عليك ..
قلت : أدخل الفصل وشرح
الدرس لافقع وجهك ..
قال : أنت قليل أدب ؟
قلت : أدب ! كنت أحسبك
تدرسنا نحو !!
قال : خلاص خلاص ممكن
تقعد ونبدأ الدرس ، لأن درس
اليوم طويل شوي ..
قلت : بس يا أستاذ مدرس
فيه مشكلة !
قال المدرس : يا الله دخيلك من
المشكلة ، وش هالمشكلة ؟
قلت : ما فيه قلم سبورة ..
قال : ليه ، وين راح؟
قلت : هو ما راح ، بس
جاء واحد وأخذه !
قال : من هو هالواحد ؟
قلت : مدري بس هو من
المدرسة ..
قال : أوووف ... الشرهه مو
عليك الشرهه على أللي قاعد
يكلمك !! .. يالله يا شباب كل
واحد يطلع دفتر وقلم عشان
راح أمليكم ، لأنه ما فيه قلم
سبورة وإذا ما فيه قلم
يعني أمليكم وأنتم تكتبون !

يالله يا شباب أكتبوا العنوان في
أول السطر :
( دخول الأسماء المبنية على
الجملة ) ،،
قلت : يا أستاذ دخول ويش ...؟
قال : أكتب بسرعة يا حيوان ..
قلت : الحيوان جابتة أمك !
قال : تسبني يا ورع ؟
قلت : حلال عليكم وحرام
علينا ..
قال : شوف لو تتكلم مرة
ثانية بتنطرد برا الفصل !
قلت : ليه يا أستاذ ؟ أنا بكتب
معكم ..
قال : لا لا تكتب معنا !
قلت : يعني بتنجحني ؟
قال : أفلقني !
قلت : من وين ؟
قال : خلااااص أسكت .. وأنتم
يا شباب أكتبوا بسرعة ، كتبتوا
العنوان في أول سطر ؟
قالوا الطلاب وأنا معهم : أيه
كتبنا العنوان ..
قال المدرس لي : وأنت وش
دخلك ، ما قلتلك لا تكتب ؟
قلت : معليش يا أستاذ لازم
أكتب لأني وعدت أبوي أني
أجيب الأول على الصف !
قال المدرس : أفلقني ..
قلت : من نفس المكان ؟؟

سكت المدرس وناظر على
الطلاب وقال : أكتبوا في
السطر الثاني : مثال رقم 1
أكل محمد التفاحة ..
يا شباب وش أعراب أكل ؟
قلت : حرف جر ..
قال المدرس : لاحد يتكم ألا
بعد ما يرفع يده !
قلت : ليش بنوقف تكسي ؟
قال : لا عشان ما تصير فوضا !
قلت : بالله عليك ، طيب شوفني
رافع يدي ، خلني أجاوب !
قال : أفلقني ؟
قلت : من زين هالرأس كل
شوي ، أفلقني .. أفلقني ..

وووفجأة واحد يدق الباب !
قال المدرس : تفضل ..
قال الطالب أللي عند الباب :
ممكن قلم سبورة ؟
قلت : وش تبغي لون ؟
قال الطالب : لون أزرق ..
قلت : أقلب وجهك شحاد
وتشرط !!
قال المدرس لطالب : ما عندنا
قلم أطلع وسكر الباب "

وطلع الطالب ، ومن قوة
ما سكر الباب بغينا نطلع مع
الدرايش !! بس ربك ستر !!

بعدين طالع فينا المدرس
وقال : ناس آخر زمن !
قلت : أخس يالي من العصر
الجاهلي ، أقول أخلص علينا
وملنا وخلنا نكتب ..

ناظر فيني المدرس بحقد
وناظر بالطلاب وقال : أكتبوا
مثال رقم 2 :
غرد ........... فوق الشجرة ؟
من يكمل الفراغ يا شباب ؟
قلت : أنا يا أستاذ مدرس ..
قال : يالله خلنا نشوف جوابك !
قلت : الجواب هو :
{ غرد الحمار فوق الشجرة }

ضحكوا الطلاب .. ..
وقال المدرس : تستهبل أنت
يا حمار ؟ كيف يغرد الحمار ؟
قلت : أول شي لا تسب وثانيآ
الحمار هذا حمار فاهم مو
أي حمار !!
قال المدرس : طيب وش
أعراب الحمار في الجملة ؟
قلت : فاااعل وكلي ثقة !!
قال : صح فاعل ، بس ودي
أعرف كيف الحمار طلع فوق
الشجرة ؟
قلت : وش يدريني ؟ رح
أسألة ؟
قال : أسأل حمار ؟
قلت : عادي تفهمون على
بعض ..
قال : وش تقصد يعني أنا
حمار ؟
قلت : الحمار بالأشارة يفهم !
ضحكوا الطلاب!
قال واحد من الطلاب :
يا أستاذ كمل وخلنا نكتب !
قال المدرس لطالب :
انطم أنت الثاني وخلني أتفاهم
مع هذا الفاشل ..

وبعدين ناظر فيني المدرس
وقال : والحين وش رايك
أضربك بالعصا ولا أنقص
من درجاتك ؟
قلت : ليه ؟ وش مسوي ؟
قال : تستهبل علي ، وتضيع
الحصة وما خليت زملائك
يكتبون ..
قلت : طيب عندي حل أحسن
يا أستاذ مدرس ؟
قال : ما فيه حل غير واحد
من الأثنين يا ضرب
يا درجات ..
قلت : اسمعني أنت بس ،
خلنا أطلع برا الفصل وكذا
ترتاح أنت والطلاب بعد !!
قال : شايفني سبيكة ..
قلت : لا مدرس ، ليه تسأل ؟
قال : تستهبل ؟
قلت : خلاص أجل سبيكة !
قال : لا وتبغاني أطلعك
عشان يشوفك المدير ولا
الوكيل ، وبعدين أروح فيها ..
قلت : لا لا بوقف عند الباب !!

ناظر الأستاذ لطلاب وقال :
هاه شباب وش رايكم ؟
قالوا الطلاب : لا لا يطلع !
قلت للمدرس : أستاذي العزيز
لا تأخذ الحكمة من أفواه
المجانين ، يا أستاذ أنت
صاحب القرار ، هاه وش
رايك ؟ ... والله لوقف عند
الباب !!!!
قال : خلاص ، خلاص أطلع
بس لا يشوفك أحد ."
قلت : أيه أبشر !! ؟؟

طلعت من الفصل وققفت عند
الباب شوي ، وفجأأأة يمر من
قدامي الوكيل !!
قال الوكيل : وش عندك واقف
هنا ؟
قلت : أنا مو واقف ..
قال الوكيل : تستهبل ؟
قلت : لا والله أنا توي جاي من
الحمام وبدخل الفصل !
قال : طيب ورا ما تدخل ؟
قلت : طيب طيب ..

دخلت الفصل وراح الوكيل من
عندي ، قال مدرس النحو : هاه
وش دخلك الفصل ؟
قلت : أبغى حاجة !
قال : وش هالحاجة ؟
قلت : لا لا حاجتين !
قال : طيب وش هالحاجتين ؟
قلت : خلاص ماودي أثقل عليك
حاجة وحده تكفي !
قال : يا حيوان ووووش تبي ؟
قلت : أنت زعلان أللحين أقولك
بعدين ، وأنا أللحين بطلع وأوقف
عند الباب ..
قال : أذلف جعلك ما ترجع "
قلت : قد كلامك يا أستاذ ؟!؟
قال : وش تقصد هاه ؟
قلت : خلاص خلاص يصير خير!

طلعت من الفصل ووقفت عند
الباب ، ومر من قدامي الهندي
حق المقصف ، وقلت له : محمد
محمد وقف ..
قال الهندي : أيس أبقى ؟
قلت : أبغى تجيب لي فطور من
المقصف ، وهذي عشرة ريال !
قال الهندي : أيس أبقى فطور؟
قلت : وش عندك فطور ؟
قال : فيه ساندويتش جبن
ومربى وفيه همبرجر ....إلخ)
قلت : فيه همبرجر حار ؟؟؟؟؟
قال : أيوه فيه همبرجر هار ..
قلت : طيب جيب واحد شاورما !
قال : أيس أبقى تاني ؟
قلت : جيب واحد ساندويتش
فلافل وأربعة ساندويتش طعمية وثمانية ساندويتشات
شكشوكة بدون بيض !!!! !!! !!!!
قال الهندي : بدون بيض ؟ كيف
أجي هدا ؟؟
قلت : دبر نفسك وبس ، ولا تنسى تجيب معك مرندا بالزبيب!
قال : بس فلوس ما فيه كفي ؟
قلت : يا رجال درج المقصف
مليان ..

راح الهندي وهو يكلم نفسه ! !!

وبقيت واقف عند الباب لين دق
الجرس ، وطلع مدرس النحو
من الفصل وطالع فيني وقال :
أدخل يا طالب علم ..
قلت : طيب يا طالب قرب !!
دخلت الفصل وجلست وبدأت
الحصة الثالثة ودخل مدرس
التوحيد وهو مبسوط وفرحان "
قال المدرس : السلام عليكم
يا شباب يا أحباب ، كيفكم ؟
قالوا الطلاب : وعليكم السلام ..
قلت : سلامات يا أستاذ مدرس
وش فيك مبسوط ؟
قال المدرس : الله يسلمك والله بمناسبة المولود الجديد
وعلشان هالمناسبة ما فيه درس اليوم !!
قلت : ياليتك كل يوم عندك هالمناسبة !! وش عاد سميتها ؟
قال المدرس : أول شي هو
ولد مو بنت ، وبعدين للحين ما
أدري وش راح أسميه !..
قلت : وش رايك تسمية على
أسمي ؟؟
قال المدرس : ليه قلت الأسامي
يالحبيب ..
قلت : لك الشرف !!
قال المدرس : بلا شرف بلا
بطيخ أفندي ..
قلت : كيفك ، بس حبيت أن ولدك يكون ذو مستقبل ناجح مثلي !! ! !!

قال المدرس : ليه وش راح تصير إذا كبرت ؟
قلت : ما فيها كلام شايب !!
قال المدرس : لا .. لا قصدي
وش تبغى تكون ؟
قلت : دكتور إنشاء الله ..
قال المدرس : دكتور !! أكيد
دكتور أسنان ..
قلت :أجل دكتور رجال وولادة !
قال المدرس : حلوة ..
قلت : وأنت يا أستاذ وش تبي
تصير إذا كبرت ؟
قال : حلوة مرة ثانية ..
وفجأأه تدق الحصة معلنه عن
بدايه الفسحة .. وطلع المدرس
وأحنا وراه وطلعت ولقيت الهندي ينتظرني عند الباب ومعه
الطلبات ، قلت للهندي : هذا كل
الأغراض ؟
قال الهندي : كله موجود بس
سكسوكة بدون بيض هدا مسكلة كتير ، وما فيه ميرندا
بالزبيز أنا فيه جيب ميرندا بالخل!
قلت : هو على كيفك تجيب إللي
تبي ؟ خلاص .. خلاص أقلب وجهك وهات الأغراض ..

رحت وتفسحت ودق جرس
الفسحة بسرعة ، ورجعت عالفصل بس للأسف دخلت بعد
مدرس الجغرافيا !!
قال مدرس الجغرافيا : بدري ..
قلت : بدري منط ؟
قال المدرس : تستهبل ، وين
كنت لحد أللحين ؟
قلت : أعرف أني تأخرت بس
صارت لي مشكلة بالفسحة !!
قال المدرس : وش هالمشكلة
يا ورع ؟
قلت : المشكلة يا رجال !! كبيرة
وطويلة قصتها ، بس خلني أدخل
أللحين وبعدين أقولها لك !
قال المدرس : والله أنك تكذب ..
قلت : أن كنت أنا كذاب ، أجل راح الصدق فيها !!
قال المدرس : أدخل .. أدخل ولا مدري صدقك من كذبك ..

دخلت الفصل وبدأ المدرس بشرح وهو يقول : يمر خط الأستواء على جنوب السودان
ويمر .... (قاطعت المدرس) ....
وقلت : يا أستاذ ، بغيت أسألك سؤال لا ثالث لهما ؟؟ ؟؟
قال المدرس : عن أيش ؟
قلت : عن خط الأستواء ، هو
مزفلت ولا رملي ..
قال المدرس : شكلك خفيف
دم يا ورع ..
قلت : أنا خفيف .. طيب سكرو الدرايش عشان ما أطير ..
قال المدرس : خلاص .. خلنا
نكمل الدرس .. ، .. وأيضآ تقع السعودية في جنوب غرب قارت
آسيا ..
قلت : صدق والله ؟؟؟؟
قال المدرس : وش فيك أنت ؟
قلت : مدري عنك !!.. بس شوف
يا أستاذ مدرس بقولك حاجة أنت ومعك شلة من المدرسين ..
قال المدرس : هات أللي عندك!
قلت : موقع المملكة في مادة
الجغرافيا وتعريف أبو هريرة رضي الله عنه في مادة الحديث وكلمة Book‏ في مادة الإنجليزي
{ هذي ثلاث حاجات لا تسألون ولا تقولونها لنا لأن الشعب السعودي حافظها زي أسمه }..
قال المدرس : عن وش تبغاني أسألك ؟
قلت : عن ستار أكادمي مثلآ ..
قال المدرس : طيب وش تعرف
عن هذا إللي تقوله ؟
قلت : والله سوق الأسهم في
حالة أنهيار عصبي ....... إلخ )
قال المدرس : وش فيك دخلت
الأمور في بعض ..
قلت : حنا في زمن السرعة
والوقت تراه مثل السيف أن لم
تلمخه لمخك ، والتنكلوجيا لها دور مهم في تربيت الأطفال ولا تنسا القمقراطية (أحترام الرأي
الأخر) وعندك بعد خارطة الطريق .. !! !! !!
قال المدرس : بلا خارطة طريق بلا خارطة فريق ، خلنا
نشرح الدرس قبل ما يرن الجرس .. ..
..............وفجأة يدق الجرس .....
قال المدرس : ما قلتلك بيدق الجرس ؟؟
قلت : يا أستاذ وسع صدرك
وكمل شرحك ..
قال المدرس : بعد ويش ؟ خلاص الحصة الجاية نكمل ..
قلت : أنت بديت عشان تكمل ؟

طلع المدرس وصقع الباب وراه
وقعت أنا والطلاب في الفصل
طبعآ ، ومدرس الحصة الخامسة تأخر وحسينا أنه غايب وما هو جاي !!
قالوا الطلاب لي : تكفى يا
[ مجنونها ] رح للوكيل وقله أن
المدرس غايب وخله يطلعنا نلعب رياضة بالساحة ..
قلت : من زين لعبكم ، وبعدين مامعكم لبس رياضة ؟
قال واحد : ماعليك ندبر لبس
من الفصول الثانية ..
قلت : يعني الدعوة قص ولصق
أنت تأخذ السروال وهذا يأخذ
الفنيله وهذا يأخذ الشلحة ..
قال : شلحة !! !! شايفنا بنات ؟
قلت : صح ! عفوآ لا تواخذوني !
قالوا : بتروح ولا شلون ؟؟
قلت : خلاص .. خلاص بروح
بس مو عشانكم ، عشان أشم
هو برا ، وبعدين ياله روحوا جيبوا ملابس من الفصول ..
قالوا الطلاب : أنت جيب الموافقه من الوكيل وبعدين نروح نجيب ..
قلت : خلاص ياله بااااياااات .!!

طلعت ومريت دورة المياة وشربت موية .. بس مو من السيفون طبعآ ، لا لا من البرادة
وطلعت طوالي على باب الوكيل
أبن الكلب .. ودخلت عليه ..
قال الكلب عفوآ قال الوكيل :
أمر وتدلل يا ورع ؟
قلت : أمر وتدلل حلوة بس الكلمة إللي بعدها لك عليها ، بس مو مشكله لأن المثل يقول:
{فراغ} أللي لك عنده حاجة قله يا سيدي !! بس لعلمك مو مطلوب منك أكمال الفراغ .. ..
قال الوكيل : وش قصدك هاااه
أنا كلب ؟
قلت : أنا قلتلك لا تكمل الفراغ !!
قال الوكيل : من الأستاذ اللي
طلعك من الفصل ؟
قلت : مو أستاذ !
قال الوكيل : أجل حيوان ..
قلت : بس مو كلب !!
قال : أقولك من الأستاذ ؟
قلت : أللي طلعني الطلاب ..
قال : ليه وين الأستاذ ؟
قلت : مدري ، يمكن ماااااات "
قال الوكيل : مااااااااات ؟؟؟؟
قلت : مدري أنا أقولك مدري ..
قال : طيب وش طلعك ؟
قلت : والله المدرس غايب مثل
ما قلتلك وأحنا نبغاك تطلعنا
رياضة بالساحة !!
قال الوكيل : شايفني مدرس رياضة ؟
قلت : لا والله مدرس وكيل، بس
ما فيه فرق كلكم مدرسين ..
قال الوكيل : أقلب وجهك وأذلف
للفصل لشوتك برجلي !!
قلت : شوف كلمة أقلب تستخدم
في أكثر من معنا ، أما وجهي فهو أحسن من وجهك إللي تقول شكمان ددسن موستنج
[ كشف ]، أما كلمة أذلف للأسف
ماهي في قاموسي بس أتوقع
أنها من أصل أغريقي وصناعة
ماليزيه وتركيب سعودي ، بس
الفصل أكيد بروح له ، أما بتشوتني برجلك فهذا أكيد ، أجل
شفت أحد يشوت بيده !!!!!!!!!
قال الوكيل : طيب لو سمحت
وبعد أذنك تفضل على الفصل !
قلت : شوف كلمة طيب لها أكثر
من معنا خذ مثال : طيب ، عطر
عود ...( ويقاطعني الوكيل )...
ويقول : لا لا أرجوك لا تكمل .. !
قلت : بكيفك .. أجل أنا رايح "

ما قلتلكم أنه كلب المهم طلعت من عند الكلب على الفصل دايركت .. دخلت الفصل ؟ ومن
كثر الملابس إللي جابوها ما عرفت فصلي ..
قالوا الطلاب : هاااه نطلع ؟
قلت : أطلعت أنفسك أنت وياه !!
قال واحد : ليه ما وافق ؟
قلت : والله سكت مارد علي ..
قالوا : السكوت علامة الرضا !!
قلت : لعنبوكم رايحين نخطب حنا ..؟؟
قال واحد : والحل ؟
قلت : وين السؤال ؟
قال : فاضي أنت تستهبل !!
قلت : على طاري السؤال وش
رايكم أقولكم أسئلة وأنتم تجاوبون وأللي يجاوب لازم يسأل وبكذا نضيع الوقت !!
قالوا : قدام والله يرحم صدام
وأللي يقول لزوجتة مداااام ..
قال واحد : ياله يا مجنونها ابدأ
أنت وسأل ..
قلت : طيب .. يقولك السؤال :
س1: كم عدد الصلاوات
الخمس ؟
قال واحد : خمس !!
............صح عليك............
قلت : طيب جاء دورك تسأل ..
قال : هذا سؤال سهل
س2: وش أسم مدرستنا ؟
قلت : أسمها ( مدرسة الحوت
الأعور لصناعة الفيل السليم )
.............صح عليك...........
قال : ممتاز طيب عطنا سؤال "
قلت : أتحداكم تجاوبون عليه
س3: أنا وين ساكن ؟ في
منفوحة ولا باريس ؟؟؟؟؟؟
قالوا كلهم : ها ها هاي أكيد في
منفوحة !!
قلت : غلط عليكم ..
قال واحد : ليه وين ساكن ؟
قلت : في بيتنا !!
قالوا : لا يعني وين عايش ؟
قلت : عند أبوي .. .!
قال واحد : يا أخي أفهم ، نقصد
أنك في أي مدينة ساكن ؟
قلت : قولوا كذا من بدري !! .. أنا
ساكن في النسيم !! !! !! !!
....... وفجأة يدق الجرس ........ ..

قمت بسرعة أنا والطلاب عشان
نطلع من الفصل قبل مايجي مدرس الحصة السادسة ..
بس للأسف لقيته في وجهي !!
قال المدرس : وي وي على وين الشباب ؟
قلت : والله نشم هوا ..
قال المدرس : كلكم رايحي تشمون هوا !!
قلت : وش تبغينا نسوي ، كل واحد خشمه في رأسه ويعرف
خلاصة ..
ضحك المدرس وقال : طيب أدخلوا أللحين وبعدين أطلعكم !
قلت : وعد ؟؟؟
قال المدرس : وعد !!!
قلت : طيب وين أحلام .. هههههه

دخلنا الفصل وجلسنا على الكراسي طبعآ !!
وقال المدرس : شوفوا يا شباب
طلعه من الفصل ما فيه ، طبعآ
هذا الكلام مو من عندي ، من
عند المدير ..
قلت : ليه يا أستاذ مدرس ..
قال المدرس : لأني هذي أول
حصة أجيكم فيها ، وصعبة أطلعكم من أول حصة !!
قلت : وش راح تدرسنا ؟
قال المدرس : أنا بدل أستاذ
الرياضيات "
قال طالب : ليه وين مدرس الرياضيات ؟
قلت : أكيد مااااااات !!!!!
قال المدرس : وشوا أللي مااات
لا لا الأستاذ موجود ..
قلت : أجل أكيد خلص !!!!!
قال المدرس : لاااااا الأستاذ موجود بس أخذ أجازة ..
قلت : هو درسنا عشان يأخذ
أجازة ، والله حالة !!
قال المدرس : خلاص خلاص
قولولي وين وصلتم مع الأستاذ
أللي قبلي ؟
قلت : شفت المحطة أللي على طريق الدمام ، عندها وصلنا !!
تستهبل أنت يا أستاذ مدرس ؟ أقولك ما درسنا عشان نوصل
آي درس ؟؟؟؟؟؟؟؟؟؟؟
قال المدرس : ولا درس ؟
قلت : ولا فلس ..
قال المدرس : والله مشكلة !
قلت : يا أستاذ مو لازم تدرسنا ..
قال المدرس :كيف ماأدرسكم؟
قلت : نجحنا وبلاش تدرسنا ..
قال المدرس : بس لازم أحلل
راتبي !!
قلت : أنتم يا أصحاب الرواتب
تأخذون الراتب بالحلال وتصرفونه بالحرام ، خل عنك حركتات نص كم بدون شطة !!!
قال المدرس : شوفوا يا طلاب
خليكم ساكتين وأنا بروح للمدير
أبن الكلب ، أشوف السالفة ..
قلت : وش فيك خربتها ؟
قال المدرس : خليكم ساكتين
خلاص ..
قلت : أوقف عليهم عريف يا أستاذ ؟؟
قال المدرس : لا .. لا كل واحد
عريف على نفسه !!
قلت : آيه أفلقني بالمويه إذا سكتوا هالطلاب ؟؟؟

طلع المدرس وسكر الباب وراه
وطلعت بعده بس قلت للطلاب :
شوفوا لو يطلع واحد منكم والله
لقطع خشمه وأخليه يتنفس من
إذنه .. خلاص أتفقنا .. .. ..
(( أخس مهجد الفصل ))

طلعت وشفت المدرس دخل
على غرفة المدير أبن الكلب زي
ما يقول المدرس !! المهم رحت
لدورة المياة !! {بالعربي فيني
مغص في بطني} ، يعني لازم
أقولكم كذا .. وبعد ما طلعت من
الحمام ، رحت لغرفة المرشد
الطلابي (( ما عندي مشكلة بس
شفته جالس لحالة قلت أروح
أسليه )) وفي نفس الوقت أفقش عليه ، عاد هو مخفه يصدق بسرعة !! ..««««««««..

دخلت على المرشد بعد ما دقيت
الباب ، قال المرشد : هلا تفضل
يا طالب ..
قلت : لو سمحت لا تقول طالب
لأني مو طالب أنا مجرم !!! !!!
قال المرشد وهو مستغرب : ليه
يا مجرم عفوآ يا أبني وش فيك؟
قلت : لا تقول أبني ممكن تقول
أبن الجيران !!
قال المرشد : ليه ؟شكلك عندك
مشكلة كبيرة ، قلي يا أبني وأنشاء الله أحلها لك .. ..
قلت : شوف بما أنك مرشد طلابي أنا بقولك مشكلتي بس لا تقول لأي مخلوق ..
قال المرشد : أبشر !!
قلت : لا شكلك بتعلم ؟؟
قال المرشد :والله ما أقول لأحد
بس قولي وش هالمشكلة ..
قلت : المشكلة هذي صارت قبل
أسبوع واحد .. بس خايف أقولك
وتعلم أحد !!
قال المرشد : ياليل ما أطولك خلص علينا ، مو قايل لأحد ..
قلت : خلاص وش فيك عصبت؟
وشلون لو تعرف المشكلة !! !!
قال المرشد : أخلص علينا "
قلت : طيب طيب ، المهم قبل الأسبوع هذا ، طلعت أنا واحد من أخوياي ..
قال المرشد : وش فيها إذا طلعت مع واحد من أخوياك ؟
قلت : بتسكت ولا أقلب هالمكتب
على رأسك ، خلني أكمل لك ..
قال المرشد : كمل كمل "
قلت : طلعت أنا وياه لثمامة وكان معانا دباب <بانشي> ومره يلعب هو ومره أنا بهالدباب ، بس المشكلة أختلفنا
في الدورات وزعلت أنا منه ورحت للخيمة وأخذت السكين
ولحقته وطعنته لين مات ..
قال المرشد : أبليس ما مات !
قلت : كيف عرفت أسم خويي ؟
قال المرشد : أبليس .. أسمه ؟
قلت : لا لا أسمه مصطفى بس
أنا أدلعة أبليس وإذا زعلت منه
أنادية شيطان ، ما علينا خلني
أكملك ، طعنت الرجال لين قال
خلاص مت .. ..
قال المرشد :هو قال أنه مات ؟
قلت : أجل كيف عرفت أنه مات ،
المهم مااات وحفرت حفرة كبيرة ودفنته ..
قال المرشد : دفنت خويك ؟
قلت : أجل دفنت الدباب !! أيه
دفنت خويي ورحت ..
قال المرشد : وين رحت ؟؟
قلت : رحت لخويي ! وش رايك
وين رحت ؟ أكيد رحت عن خويي الميت .. وهذا المشكلة
وش تتوقع راح يسوون فيني ؟
قال المرشد : من هم ؟
قلت : الحكومة يا بومة !!
قال المرشد : أيه ، يمكن يقصونك ..
قلت : يقصوني ؟؟ وهذا حلم
أجل لو أنه حقيقة ؟؟..؟؟؟؟؟
قال المرشد : حلم !! تقول حلم
تستهبل أنت يا حيوان ؟

وقام المرشد ومسكني مع رقبتي وشاتني برجله طبعآ ..
وطلعني برا الغرفة وسكر الباب!

طلعت من عند المرشد بأتجاه
الفصل ، بس للأسف المدرس
رجع للفصل قبلي ..

دقيت الباب ، وفتح الباب المدرس وقال : وين كنت ؟ أنا
قلت لا أحد يطلع ؟ هاااه ؟
قلت : كنت أدورك !!
قال المدرس : تدورني !! ليه أنا
ضايع ..
قلت : لا يا أستاذ بس بغيتك تجي
لأن الطلاب يشاغبون ..
قال المدرس : كذاب .. أحسلك
قلي وين كنت ؟؟
قلت : تبي الصراحة ولا تبي بنت
خالة جدتها ؟
قال المدرس : لااااا الصراحة !!
قلت : أنا جاي من بعيد ..
قال المدرس : وين بعيد ؟
قلت : بعيد بالمررره ..
قال المدرس : وين طيب قلي ؟
قلت : بعيد ، أبعد شي ..
قال المدرس : وآخرتها ..
قلت : رجعت للفصل ولقيتك جاي قبلي !!!!!!!!
قال المدرس : وين كنت يا حيوان ؟ ترا أطلعك عالوكيل !!
قلت : لا لا مرحوم أبوك ، كل شي إلا هالوكيل أبو وجهه تقول ببسي مصدي ..
قال المدرس : ياله قل طيب ..
قلت : يعني لازم أقولك أني كنت
في دوراة المياة ..
قال المدرس : ليه وش تسوي
فيها ؟
قلت : أشتري من المقصف ؟؟؟
وش رايك كنت أسوي .. .. !!
قال المدرس : لا أنا قصدي أنك
يمكن تدخن بالدورة "
قلت : لا لا تخاف أنا أشيش ما أدخن ؟
قال المدرس : وين بالدورة ؟؟
قلت : لا في غرفة الوكيل !!
قال المدرس : صدق والله ؟
قلت : تستهبل أنت ؟ أكيد برا
المدرسة ، وبعدين بالمدرسة ممكن أزبن الدخان بس كيف أزبن الشيشة ؟؟؟
قال المدرس : خلاص عرفنا
وين رحت .. وألحين أدخل .. ..

دخلت الفصل بس المدرس ما
دخل وراي تدري ليه ؟ لأن الجرس دق .. .. وباقي الحصة
السابعة والأخيرة .. ..
سألت الطلاب : يا شباب وش
علينا السابعة ، أقصد أللحين ؟
قالوا : علينا تربية وطنية ..
قلت : من ؟ لا يكون إللي يدرسنا
ذاك الدب أللي تقول رابح صقر!
قال طالب : ههههاي والله أنك
صادق .. شكله ما يشرب حليب !
قلت : طيب خلوه علي .. إذا ما
جننته لكم ..

وفجأة دخل مدرس الوطنية ..
قلت : يا أستاذ ما أنت علينا ..
قال المدرس : لا لا أنا عليكم !
قلت : لا يا أستاذ الجدول تغير !
قال المدرس : ليه من عليكم ؟
قلت : مدرس !!
قال المدرس : من هو ؟
قلت : مدري .. بس هو يدرس
في هذي المدرسة !!!
قال المدرس : طيب وش يدرسكم ؟
قلت : مادة !!!!
قال المدرس : تستهبل ؟
قلت : يمكن يدرسنا وطنية ..
قال المدرس : أنا أللي أدرسكم
( وطنية ) !!
قلت : تصدق أحسبك تدرسنا
( ساديا ) !!

ضحكوا الطلاب وحقد المدرس
علي وقال :
أي كلمة ، تطلع برا !!
قلت : وسع صدرك .. بس حبيت أسألك يا أستاذ ..
قال المدرس : أسأل بس خلك
رجال !!
قلت : صح أنت مدرس وطنية ؟
قال المدرس : أيه ، ليه تسأل ؟
قلت : لا سلامتك ، بس بغيت
أعرف كم مقاسك ؟ تسع مية
ولا ألف ومية يا أستاذ وطنية ..

ضحكوا الطلاب
هاهاهاهاهاهاهاهاي ..
قلت : لا تزعل يا مدرس ! ترى
الدعوة تضييع وقت ..
قال المدرس : بس مو على
حسابي تستهبل ؟
قلت : أجل على حساب من ..؟
قال المدرس : ولا أحد .. ودام ودك تتكلم أجل قول لنا أي قصة بس لا تسب أحد ..

قلت : تبي قصة يا أستاذ ؟ من
عيوني .. .. {{ مره يا أستاذ
دخلت الحمام ، الله يكرمكم
ويكرم السامعين ويلعن أبو
المدرسين }}

قال المدرس : ليه تسب ؟؟
قلت : طيب تبغاني أغير القصة؟
قال المدرس : غيرها بس لا
تسب أحد .. خلاص !!
قلت : طيب ، طيب {{ مره رحت
أستاذن من عند الوكيل عشان
أروح للبيت ، قال الوكيل : معك
جوال عشان تكلم أهلك ؟
قلت للوكيل : أيه معي جوال
بس المشكلة ، شايل الصفر }}

قال المدرس : ليه تكذب ؟
قلت : وش أسويلك ؟ أجيبلك
قصة من كتب التابعيين ؟؟
قال المدرس : لا لا قل قصة
بس لا تسب ولا تكذب !!
قلت : حاضر ، {{ مره دخلت مستشفى ، ولقيت الصيدلي لوحدة بغرفة الصيدلة ، دخلت
علية وقلت له : الدكتور حسنين
يبغاك في غرفته !!
قام الصيدلي وراح للدكتور ،
دخلت في غرفة الصيدله وأخذت كل الحبوب والأدوية
وحرقت البضايع الباقيه }}

قال المدرس : لا تعلم الطلاب
الأجرام يا حيوان ..؟
قلت : أقول يا أستاذ ، الحيوان
أنت ، وبعدين رح أكشف على نفسك ، لا يكون فيك أنفلونزا الطيور ؟؟
قال المدرس : أنا مو دجاجة
يا حيوان !
قلت : طيب روح ، يمكن فيك
أنفلونزا الحمير .. .. !! !!

قام المدرس يبغى يضربني !!
قلت : بتقعد ولا أحطك في خيشة وأحرقك يا وطنية ..

طب علي المدرس وضربني ..
وبادلته نفس الشعور ..
(( وتضاربت أنا وياه ، بس الحمد
لله مرض أنفلونزا الطيور لا ينتقل عن طريق المضاربة ))
وطبوا الطلاب معي ، ومسكنا
هالمدرس وشرحناه تشريح
لين قال بس ..

وفــــــــــجــــــــــــــــأة :
يطب علينا المدير ، وهو يصارخ
ويفرقنا عن بعض ..

[ المهم بعد ما أنتهت المضاربة
بنتيجه قوامها : أربع فلقات مقابل تسع طعنات لصالحنا ]

طبعآ تعرفون طلاب السعودية؟
مالهم ذمة .. كلهم أعترفوا علي
وقالوا أني المتسبب الأول ..

وكانت قرارات المدير كالتالي :
نقل مدرس الوطنية إلى مدرسة
ثانية ..
وللأسف أفصلوني من المدرسة
بأجماع المدرسين ..

بس قبل ما يعطوني الملف
حقي ، طلبني الوكيل بغرفتة ..

رحت لغرفة الوكيل ودخلت
غرفتة بدون ما أدق الباب ؟؟
قال الوكيل : ليه ما دقيت الباب ؟
قلت : ذاك يوم كنت طالب عندكم ، أما أللحين خلاص فصلتوني !! ممكن تعطيني الملف حقي بسرعة ؟؟
قال الوكيل : ليه بتروح تتوظف ؟
قلت : لا بروح أحلق .. وش
دخلك ؟
قال الوكيل : مو بهالبساطة
تأخذ ملفك .. لأزم ندق على
أبوك ونخليه يحضر ونعطيه الملف بيده .. هذي أنظمة تسري
على جميع الطلاب ، مو أنت وبس !!
قلت : طيب لو جاكم طالب وقالكم أبغى ملفي تعطونه ؟
قال الوكيل : لا .. تفهم أنت ؟.
الملف نعطيه أبو الطالب في
يده ..
قلت : طيب إذا كان أبو الطالب
مقطوعة يده ، تعطون الملف
للطالب ؟؟
قال الوكيل : تستهبل ؟
قلت : أتكلم جد أنا ..
قال الوكيل : كم رقم جوال
أبوك ؟
قلت : أبوي ما معه جوال !!
قال الوكيل : وأمك ؟
قلت : في البيت .. ليه تسأل ؟
قال الوكيل : لا لا أقصد كم
رقم جوالها ؟
قلت : وش رايك أقولك أسمها ! وش تبي بأمي ؟
قال الوكيل : عشان تأخذ ملفك
يا غبي ..
قلت : ليه وين راح أبوي ؟
قال الوكيل : أنت تقول أن أبوك
ما معه جوال !!
قلت : أنااا قلت ؟ متى قلته ؟؟
قال الوكيل : طيب كم رقم
جواله ؟
قلت : من ؟
قال الوكيل : يا أخي أبوك ..
قلت : طيب طيب وش فيك
عصبي ؟
قال : أنت ترفع الضغط !!
قلت : ليه ؟ شايفني
الضمة الظاهرة على
آخره ، والفاعل ضمير مستتر تقديره ( أنت وأنا ) ؟؟!!
قال الوكيل : هاااااه ؟
قلت : سلامتك .. وش كنا
نقول ؟
قال الوكيل : ممكن تعطيني
رقم آي واحد من عائلتكم ؟
قلت : تبي رقمي ؟
قال الوكيل : لا آي واحد ثاني ..
قلت : تبي رقمي الثاني ؟
قال الوكيل : ياااا أخي أفهم
عطني رقم أي واحد غيرك !!
قلت : مثل من تبي ؟
قال الوكيل : رقم أختك ..
قلت : وش قصتك أنت على
رقم أمي وأختي ؟ تراك
خربتها يا أستاذ وكيل !!
قال : آسف ، طيب عطني رقم أخوك ؟
قلت : ما عندي أخوان .. (( نصاب ))
قال الوكيل : طيب والحل ؟
قلت : اسأل مدرس الخط ؟
قال : يرحم أمك لا تستهبل !!
قلت : وش فيك على أمي ؟
لا تجيب سيرتها على لسانك ..

قام الوكيل من على الكرسي
وقال : شوف يا طالب الملف
مو راح تأخذة أنت ، روح جيب
ولي أمرك عشان يأخذه !!
قلت : أنا ما جيت أخطب عشان
تقولي ولي أمرك ؟ شوف أنت
يا وكيل .. بتعطيني الملف ولا
أفقع وجهك مثل ما نسمت
وجه أستاذ الوطنية ؟
قال الوكيل : تهددني يا ورع ؟
قلت : لا .. بس أللعن شكلك !!
قال الوكيل : تلعن شكلي أنا ؟
قلت : لا .. مجرد تهديد !!

قال الوكيل : لو ما تطلع من
الغرفة راح تندم ؟
قلت : يا أستاذ خلنا نتفاهم ..
قال الوكيل : وأنت خليت فيها
تفاهم ..
قلت : أمرك يا أستاذ وش تبي ؟
قال : عطني رقم أبوك ؟
قلت : ما عنده جوال ؟
قال : تستهبل ؟
قلت : لا والله ..
قال : طيب كم جوال أمك ؟
قلت : رجعنا ؟ يا أخي شيل
أمي من راسك !!
قال : طيب من فيه أحد غير
أمك يا ورع ؟
قلت : أنا ..
قال : وغيرك ؟
قلت : يا وكيل لا تلف وتدور لأن
مرجعك لي ، بس عطني الملف
وخلني أروح للبيت ..
قال : تشوف كذا ؟
قلت : أشوف كذيات كثاااار ..!!!
قال الوكيل : طيب خذ هذي
الورقة وروح للفراش وهو
يعطيك ملفك ، وبعد ما يعطيك
الملف تجي لمكتبي عشان
توقع على أستلامك الملف ..
قلت في نفسي : ( أفقشني إذا
جيتك ) ..

أخذت الورقة وسلمت على
الوكيل أبن الكلب ورحت
للفراش بالغرفة .. ودخلت
عليه وأخذت الملف حقي ..
وطلعت لغرفة المدير عشان
أودعه (( أخربها بالعربي )) !!

دخلت على المدير بغرفته بدون
ما أدق الباب [{ يعني ما دقيت باب الوكيل تبغاني أدق باب
المدير }] ؟؟؟؟؟؟
المهم أول ما شاف الملف بيدي
قال وهو معصب : من عطاك الملف يا طالب ؟
قلت : الفراش !!
قال المدير : قصدي من قال للفراش يعطيك الملف ؟
قلت : واحد !!
قال : من هالواحد ؟
قلت : أستاد وكيل !!
ضحك المدير وقال : ههههههاي
يعني أبوك جاء وأخذ الملف ..
قلت : وأنت الصادق ما جاء
أحد لا أبوي ولا حارس العمارة !!
قال : كيف ؟؟ يعني أخذة ملفك
بيدك ؟
قلت : لا برجلي !! آيه بيدي ..
قال : طيب وش تبغى أللحين ليش ما تروح ؟
قلت : بروح أللحين بس بعد ما
أخربها معك ؟
قال : وش قصدك ؟
قلت : تذكر يوم أنا ضربت الهندي
حق المقصف ، وأشتكى علي
وأنت يا أستاذ مدير ما قصرت
صكيتني كف على وجهي ؟؟
قال المدير : آيه أذكر !!
قلت : طيب قرب وجهك ..
قال : تبغى تضربني يا كلب ؟
قلت : آيه أضربك ..
قال : تراني ألعب كارتيه !!!!!
قلت : بس أنا أحب الكورة ..
وبعدين راح أصكك كف على
خشمك أكسر رجليك الثنتين !!
قال : أتحداك يا ورع ..
قلت : لا تقول ورع لأضربك
بقس على نظارتك .. أدخلها بوجهك وآخليها لك عدسات ؟؟
قال : أتحداك يا ورع ..
قلت : {{ في المدرسة يضرب
المرء أو يهان }}
وخشيت ببطن المدير ترفيس
وضرب وتصفيق وتلميخ وقمت
أطعنه ( بالقلم طبعآ ) لين قال
للعنز ياخاله .. ؟؟

وبعد ما شبعت من ضربه نحشت من غرفة المدير بأتجاه
بوابة المدرسة ولقيت البواب عند الباب ورفسته على طريقي .. ورحت للبيت وأنا مسرع ، بس المشكلة [ أبوي
في أنتظاري ] ؟؟؟؟ ! ؟؟؟؟

وصلت البيت وأنا ميت من الركض .. بس للأسف نسيت
الملف حقي في المدرسة
لأني حطيته على طاولة المدير قبل ما أضربه !!
المهم يوم وقفت عند الباب
ناظرت حولي أدور سيارة أبوي
مالقيتها !! شكل أبوي مو في البيت ..
دخلت البيت مع الباب طبعآ !!
قعدت حوالي نصف ساعة
أدور المطبخ .. لين لقيته ..
بعدين أكلت من ذيك الوجبات
الدسمه و اللذيذة ، أللي تتكون
من أندومي على شطة باردة
على كوسه على برتقال موسى على حبه تفاحه مع عصير الواحه مع حبه باندول على مشروب كود رد مع بف باف ..
وتخلطها في الخلاط .. [ وإنشاء
الله تطلع من المستشفى
بدري ] ؟؟؟؟؟

وفجأ آ آ آ آ آ آ آ آ آ آ آ آ آ ه :
ينفتح الباب حق البيت ، أكيد أنه
أبوي لأنه معاه المفتاح !!
دخل أبوي وهو معصب ؟؟
قلت في نفسي : مستحيل يكون عارف وش سويت في
المدرسة ..
أنتظرته يقول السلام عليكم ماقالها عاد أنا سبقته وقلت :
حياك الله يا يبه ..
قال أبوي : الله لا يحيك يا ورع !
وينك اليوم بالمدرسة ؟
قلت : بالفصل ..
قال : وش مسوي أنت بالمدير؟
قلت : ليه ؟ رحت للمدرسة ؟
قال : لا ، هم أتصلوا علي ..
قلت : كيف أتصلوا عليك وأنا ما
عطيتهم رقمك ؟؟؟؟
قال : لأن جوالك طاح منك عند
المدير بغرفته !!

( دخلت يدي بجيبي ، بس ما
لقيت الجوال ) قلت :
والله أنك صادق ..
قال : صادق ولا تيسير آل أنتيف
خلاص ما عاد تنفع ، خلاص
فصلوك من المدرسة !!
قلت : يا رجال بدل المدرسة
سبعين مدرسة ، قلي بس وش
أخبارك ؟؟؟
قال : وجع أخبار ويش ، أنت
قلي يا ورع وش سويت فيهم ؟
قلت : هم وش قالوا لك ؟
قال : يقولون أنك ترفع ضعظ
المدرسين ..
قلت : ليه ؟ شايفني عفريته ؟
قال : لا وبعد ضربت الأستاذ ..
قلت : بالله يا يبه شكلي شكل
واحد يضرب دجاجة ..
قال : دجاج لا بس مدرسين
يمكن ؟؟
قلت : والمطلوب أللحين ؟
قال : تروح معاي بكرة للمدير
عشان تتسامح منه ، ويرجعك
للمدرسة !!
قلت : والله لو يروح معك وزير
المعارف مع بعض أعضاء
مجلس الشورى ، ما دخلني
مره ثانية .. هو ما صدق أني
أنفصلت !! !!
قال : طيب كذا يضيع مستقبلك !
قلت : يا رجال الواحد ما يعرف
يعيش بكرة ولا لا ، وبعدين
وظائف ( فينش ) ( مافيش )
وظائف ..
قال : لا تقول كذا يا أبني ..

قلت : يا يبه ولدك فاشل ضرب
فاشل تقسيم أثنين على أربعة
بدون يساوي .. وخلها على ربك
وبعدين تعال أجلس هنا يايبه
عشان تشوف الحلقة الآخيرة
من فلم ( المتمرد ) لعمرو
دياب .. أجلس بس أجلس !!
«««««««««««««««««««««
 الـــنــــــــــــــــهـــايـــة 


اقسم بالله القصة مزبوووووووطة

والله قريتها الين النهايه

والولد عزيييييييييييييييييق

مشكوووور على الطرح